شركة ( منا القابضة ) ,,,

جزاكم الله الف خير جميعا وبالتوفيق دائما

وماتشوف شر صديق قديم

الوافي ابومحمد يقول بالمؤشرنت
في خبر حلو علي سهم منا قابضه دخول ياشباب دخول

منــــــــــــــــــــــــــــــــــــــــــــــــ ـــــــــــــــــــــــــــــــــــا

قابضــــــــــــــــــــــــــــــــــــــــــــــ ـــــــــــــــــــــــــــــــــــه

دخــــــــــــــــــــــــــــــــــــــــــــــــ ــــــــــــــــــــــــــــــول


ماأدري شنو يقصد بالخبر الحلو والدخول على السهم

ان شاء الله خير ياااارب

ان شاء الله السهم يعلق ويوصل فوق 3 دنانير ، يا رب .

بس خل نناقش الأمور بعقل ورويه وهدوء بعيدا عن العاطفه ، انا بقول رايي وانتوا علقوا . ممكن ما اكون دقيق .

أولا : المخازن لو تبي ارض ، لو انت مكان المخازن ، تروح تطلب من الحكومة المصرية ارض نظام بي او تي وتطلع الأرض عليك بلاش وتسوي مشروعك وتربح منه وترجعه بعد انتهاء المدة للدولة , مثل ما يسوي الخرافي ، او تروح تشتري ارض من منا والأرض ليلحين باجراءات التحويل .

اوأذكركم بالخبر الذي نشر في جريدة عالم اليوم على لسان احمد عبد السلام في تاريخ 10-6-2008 (( .... أكد العضو المنتدب في شركة منا القابضة أحمد عبدالسلام ان الاوضاع في الشركة مستقرة وان الشركة التابعة لها في مصر وهي المصرية الكويتية للتنمية تسعى هناك للحصول على الموافقات النهائية في تحويل مشروعها إلى استثماري سكن )) .

يعني واضح كلمة ( تسعى ) شنو يعني ، يعني لو قلنا بو عادل يسعى ليكون مليارديرا ، معناته بو عادل بعده ما صار ملياردير ، سعيه اما يصل للهدف او لا يصل للهدف . ( بو عادل اذا صرت ملياردير وبتصير صانع سوق ، قولي شنو السهم الي بدش عليه ) .

المهم الحين وضحت الفكرة ، لو انسان بسيط ، ماذا سوف يفعل ، ياخذ ارض ببلاش بنظام بي او تي مثل ما يسوي الخرافي ، ولا يروح يشتري ارض بسعر غالي وبعدها تسعى للتحويل . فكروا ... واحد عقليته مثل ولد السلطان خله اجلتي عالمية ويابلها عقود بالمليارات ، شلون بيفكر ؟ .

ثانيا : شنو الي يخلي شركة تشتري سهم منا ب 4 دنانير ، واحنه نلاحظ خلال 3 ايام التداول كان 15 مليون سهم انباعوا ، يوم اثلاثاء 4 ملايين ونص ، الأربعاء 5 ملايين ونص ، الخميس 8 ملايين ، المجموع هو اكثر من 15 مليون سهم ، واسهم منا بالسوق اقل من 20 مليون سهم مطروح للتداول . فلو انا شركة بشتري اسهم منا ، اخذ من السوق الكمية الي اقدر عليها ، ليش اروح اخذ السهم ب 4 دنانير وهو بالسوق على 1500 . !!!!! ( تذكرت سالفة المخازن وقت وصلت 6 دنانير ، طلعت اشاعة ان ديك تشيني بيشتري اسهم بالمخازن بسعر فوق ال 10 دنانير ، وان اسهم المخازن بيطرحونها ببورصة نيويورك بسعر 12 دينار ، والنتيجة شفناها ) .

ثالثا : الصفقة الأخيرة الي اعلنوا عنها بالبورصة ، قريتوا شنو مكتوب ولا لا ، خل احط لكم اعلان البورصة وشوفوا : (( ِ.شركة تابعة ل(منا قابضة) تجري مفاوضات نهائية لبيع اراضي بقيمة 4,5 مليون د.
يعلن سوق الكويت للاوراق المالية ان شركة منا القابضة (منا قابضة) افادت بان ‏
المجموعة الدولية للتخزين (شركة مملوكة بنسبة 70%) تجري مفاوضات نهائية لبيع
جزء من الارض التي تمتلكها الشركة وان اجمالي القيمة المتوقعة من بيع الاراضي
مبلغ وقدره 4,500,000 د.ك ومن المتوقع ان يصل ربح المجموعة الدولية للتخزين
من بيع هذه الاراضي ما قيمته 2.530.000 د.ك .‏
وافادت الشركة بان الربح المتوقع ان ينعكس على شركة منا القابضة في حال اتمام
الصفقة يصل الى 1,770,000 د.ك .‏
وعليه سوف تعاد الشركة الى التداول بعد عشر دقائق من نزول الاعلان )) .

اتصور واضح الفرق بين كلمة ( تجري تفاوضات ) وبين كملة ( تمت الصفقة واخذنا فلوسنا ) لما نقول تجري تفاوضات ، يعني ممكن ما تتم الصفقة لأي سبب كان . وحتى الربح المتوقع من الصفقة ، شوفوا جم ، وشوف نسبة منا من هل الربح جم ، تره بالآلاف وليس الملايين .

رابعا : وقت نزول السهم ، هناك جهة شرت 10 ملايين سهم يوم الأربعاء ، وباليوم الثاني شرت 5 ملايين سهم ، المجموع 15 مليون سهم = 15% من اسهم منا ، وبعدها تم الصعود من 1040 الى 1600 ، طيب سؤال نطرحه عليكم ، لو انا صانع سوق ، وشريت هل الكمية ، طبعا بصرفها بربح ، وكل يوم بعلق السهم من البداية مثل ما كنا نشوف تعليقة والصفقات لا تتجاوزن 20 الف سهم ، كل هذا علشان صانع السوق يوصل السهم لسعر معين يصرف من خلاله الكمية ويربح ، وما يخلي احد ينزل السهم او يخرب خطة الصعود مالته .
الحين لو انا صانع السوق لسهم منا وعندي كمية 15 مليون سهم الي شاريها بالنازل ، اصرف السهم باسعاره العالية ، اشوي اشوي من باب انه صار مجال للدخول يلى ربحوا معانا ، وهم نحط جم خبر يشجع الدخول على السهم عند اول فرصه ، وهم نحط جم مشاركة بالمنتديات تشجع على الدخول ، والناس تدش .

انا كصانع سوق عندي 15 مليون سهم ، اهني فرصتي بتصريف كميتي ، اصرف باول يوم 4 ملايين بسعر 1440 واعلق السهم ، فالي ما دش يتحسف ، ( بقى عندي 11 مليون ) ، اليوم الثاني اصرف 5 ملايين سهم بسعر 1540 واعلق السهم حد اعلى ) والناس تتحسف ليش ما دشينا ، خل باجر نصيده ، ويوم الخميس اصرف 8 ملايين سهم بسعر 1600( طبعا بعضها اكون شريتها للتصعيد وتصريفه مع كمية التصريف الأخيرة ) فاكون صرفت كميتي الي شريتها على اسعار 1040 و 970 ، اكون بعتها على اسعار 1440 و1540 و1600 ، يعني ربحان 500 فلس ( اي 7500000دينار ربحي من بيعت ال 15 مليون سهم ) .

الحين سؤال ، بعد ما بعت انا صانع السوق كميتي ال 15 مليون ، الي شروا مني على منو بيبيعون لما يعرضون ، ومنو راح يعلق لهم السهم بالأيام القادمه ، وانا كصانع سوق بلم الكمية بالنازل ، وليس بالصاعد لأني لو ابيها بالصاعد بسعر فوق 1600 جان صعدت السهم كل يوم دون بيع بل مجرد صفقة بو 10 الاف مثل ما سويت ،واخلي السهم يوصل فوق الدينارين وبعدين اصرف ، بس انا مكتفي بهل الحد وهو 1600 ، صانع سوق انا مو داش بستثمر لمدة سنه .

بس مادام صرفته على 1500 و1600 الحين ابي المه مره ثانية من تحت ، فلازم اسوي شي يعطيني هل الغاية .


الخلاصة ، اول مره صعد فيها السهم من 250 لي 1960 كانت واضحة هل العملية وبعدين نزل لي 970 . ولي شاك ، خل يرجع لحركة السهم اول مره وشلون كانت تصير عملية التجميع و التصريف ، وشوف المشاركات بالمنتديات من اعضاء اول مره نقرأ اسمئهم وكلهم عضو جديد وبعدين ما نشوفهم كلش ، ولو تبون اعطيكم لستت اسماء دشوا بتلك الفترة وعلقوا بقوة تشجيعا للدخول باسعار عالية ، وبعد النزول اختفت هذي الأسماء .

اتمنى تحليلي ما يكون صحيح ، واتمنى الأمور تكون مختلفة ويكمل صعود لي فوق 3 دنانير . ولكن انا من متابعتي للسهم . هذا الي استنتجته .

والحين تفضلوا ادلوا بدلوكم حول الإستنتاج .

والله يوفقكم


وهم عاش بو عادل

اقول بوعادل اليوم وينه ما بين ن عسى ما شر

اشتقناله واشتقنا لتعليقاته

ما آخر الاخبار يا تاجر ؟؟؟؟؟؟؟

تابعو منا باجر وحطو عيونكم عليها ,,,, او تدرون شلون نامو وانتو مرتاحين باجر

الله يريح بالك دوووم يا تاجر ماتقصر ابوي
بس نفس ماقال الاخ الكريم تملخ تمقلخ (اسم ماينحفظ ههه
السهم يذكرنا باجيليتي في قمة شموخه اول قبل مايتخسبق بس الفرق اجيليتي سهم عود مع صفقات قويه وسهم منا توه صغير
بس ان شاءالله خير ويوصل لمستويات عاليه

مبروووووووووووووووووووووووووووووووك
وانشاء الله 3 دنانير

الله يوفقك الجميع ويرزقكم من حيث لايحتسب ,,,

ومبروكين ومنها للاعلى

واذكر واكرر منا ,,, ستصل لمستويات كما ذكرتها لكم واكثر ,,,

تاجر ابن تاجر كتب:

الله يوفقك الجميع ويرزقكم من حيث لايحتسب ,,,

ومبروكين ومنها للاعلى

واذكر واكرر منا ,,, ستصل لمستويات كما ذكرتها لكم واكثر ,,,

الشكر لكل من ساهم وساعد أعضاء المنتدي وعلى رأسهم تاجر ابن تاجر والوافي ابو محمد جزاهم الله ألف خير

حياك الله اخوي لاري2008
وانا معاك بعد مافصروا وشاكرين لهم تعبهم وجهودهم الطيبه وبميزان اعمالهم ان شاءالله
والله يرزقهم ويرزقنا الخير الوفير دوووم يارب

مرحبا يا شباب ما فى خبر على منا ليش اليوم نزلت؟

برايي والله العالم انه السهم قاعد ياسس بهالسعر بين تقريبا 1500 الي 1700 يعني فرصه للدخول بهالاسعار حتى لو في اخبار يديده عن صفقات بيكون هذا سعره لحد ماياخذ مكانه عدل
بعدين تبدا الانطلاقه لمستويات عاليه
طبعا هذا كلامي استنتاج والله اعلم

السلام عليكم
الله يوفقكم جميعا ويرزقنا وياكم من كل خير بحق محمد وال محمد
وسلامى على اخوى صديق قديم وتاجر بن تاجر

ابوعقيل كتب:

السلام عليكم
الله يوفقكم جميعا ويرزقنا وياكم من كل خير بحق محمد وال محمد
وسلامى على اخوى صديق قديم وتاجر بن تاجر

[/quote]


أن شاء الله يواصل صعودة

ما آخر الاخبار حبيبنا التاجر ؟؟؟

السلام عليكم يا حلوين يلى كلكم بركة خصوصا اخوى لارى وصديق قديم ولا انسا تاجر بن تاجر اشلونكم يا شباب يقولون الصبر مفتاح الفرج والله يرزقنا وياكم من فضلة وبركتة بحق محمد وال محمد


الهم صلى على محمد وعلى ال محمد